លោកជំទាវ មាន សំអាន ដឹកនាំកិច្ចប្រជុំអន្តរគណៈកម្មការព្រឹទ្ធសភាជាមួយនឹងតំណាងរាជរដ្ឋាភិបាល
![](https://senate.gov.kh/wp-content/uploads/2021/03/photo_2021-03-10_09-47-49.jpg)
![](https://senate.gov.kh/wp-content/uploads/2021/03/photo_2021-03-10_09-47-49-2.jpg)
![](https://senate.gov.kh/wp-content/uploads/2021/03/photo_2021-03-10_09-47-49-3.jpg)
![](https://senate.gov.kh/wp-content/uploads/2021/03/photo_2021-03-10_09-47-49-4.jpg)
![](https://senate.gov.kh/wp-content/uploads/2021/03/photo_2021-03-10_09-47-48.jpg)
![](https://senate.gov.kh/wp-content/uploads/2021/03/photo_2021-03-10_09-47-49-5.jpg)
![](https://senate.gov.kh/wp-content/uploads/2021/03/photo_2021-03-10_09-47-50-3.jpg)
![](https://senate.gov.kh/wp-content/uploads/2021/03/photo_2021-03-10_09-47-50-2.jpg)
![](https://senate.gov.kh/wp-content/uploads/2021/03/photo_2021-03-10_09-47-50.jpg)
នាព្រឹកថ្ងៃទី១០ ខែមីនា ឆ្នាំ២០២១ លោកជំទាវ មាន សំអាន ប្រធានគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃព្រឹទ្ធសភា (គណៈកម្មការទី៨) បានអញ្ជើញជាអធិបតីភាពក្នុងកិច្ចប្រជុំអន្តរគណៈកម្មការព្រឹទ្ធសភា ជាមួយនឹងតំណាងរាជរដ្ឋាភិបាលដឹកនាំដោយឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ ដើម្បីពិនិត្យសិក្សាលើសេចក្តីព្រាងច្បាប់ស្តីពី វិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត នៅសាលសិក្ខាសាលាបណ្ណាល័យព្រឹទ្ធសភា។ សេចក្តីព្រាងច្បាប់នេះ តាក់តែងឡើងក្នុងគោលបំណងកំណត់អំពីវិធានការសុខាភិបាល វិធានការរដ្ឋបាល និងវិធានការផ្សេងទៀតដែលត្រូវអនុវត្ត ដើម្បីប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត សំដៅការពារអាយុជីវិតរបស់ប្រជាពលរដ្ឋ សុខភាពសាធារណៈ និងសណ្តាប់ធ្នាប់សាធារណៈ ព្រមទាំងកាត់បន្ថយឱ្យបានជាអតិបរមានូវផលប៉ះពាល់នៃការឆ្លងជំងឺនេះ ចំពោះវិស័យសង្គម និងសេដ្ឋកិច្ចនៅក្នុងព្រះរាជាណាចក្រកម្ពុជា៕